28 aprel 2013 17:54
Arif İsayevlə Rail Məlikov oynadı, Denizlispor qələbəni əldən verdi (YENİLƏNİB)
Futbol üzrə Azərbaycan yığmasının yarımmüdafiəçisi Arif İsayevlə müdafiəçi Rail Məlikovun şərəfini qoruduğu Türkiyənin “Denizlispor” klubu bu gün növbəti matçına çıxıb. Azerisport.az xəbər verir ki, həmyerlilərimizin komandası PTT Birinci Liqanın 32-ci turu çərçivəsində “Şanlıurfaspor” ilə qarşılaşıb.
Oyun doğma meydanda keçirilirdi. Odu ki, həmyerlilərimizin komandası mütləq qələbə qazanmağı hədəfləmişdi. Qarşılaşmada hesabı məhz dənizlilər açıblar. Amma onlar bu üstünlüyü görüşün sonunda əldən veriblər və 1 xalla kifayətlənməli olublar.
Bu görüşdə futbolçularımızın da iştirakı istisna deyildi. Baş məşqçi Özcan Bizati ötən oyunda olduğu kimi, futbolçularımızı yenə start heyətdə meydana buraxıb. Rail 90 dəqiqə meydanda olub. Arif isə 65-ci dəqiqədə əvəzlənib.
Qeyd edək ki, Ariflə Railin komandası 32 oyuna 37 xalla 13-cü yerdə gedir.
PTT Türkiyə Birinci Liqası
32-ci tur
28 aprel
Denizlispor - Şanlıurfaspor - 1:1 (1:0)
