26 aprel 2013 14:26
Rail Məlikovla Arif İsayevə mükafat!
Türkiyənin “Denizlispor” klubunun futbolçuları mükafatlandırılıb. Azerisport.az xəbər verir ki, klub rəhbərliyi “Manisaspor”la oyundakı qələbəyə görə vəd verilən mükafatı ödəyib.
Klub prezidenti Süleyman Urkay, maliyyə vitse-prezident Taner Atilla, Transfer Komitəsinin rəhbəri İhsan Niyaz və baş menecer Mehmet Ali Keskinler mükafatı komanda adına kapitan Veli Acara təqdim edib. Verdikləri sözləri yerinə yetirmək üçün bütün imkanları səfərbər etdiklərini bildirən Süleyman Urkay “Denizlispor”un uğuru üçün Dənizlinin bütün öndə gedən insanları ilə səfərbər olduq. Futbolçularımıza təşəkkür edirik” deyib.
Qeyd edək ki, “Denizlispor”da iki azərbaycanlı futbolçu - Rail Məlikovla Arif İsayev çıxış edir. Onlar da komandanın son qələbəsində pay sahibi olmuşdu.
