27 aprel 2013 20:20
Məmmədov: Əlimizdə Elçin Məmmədovun rüşvət almasına dair faktlar var
“Bakı” AFFA-ya şikayət ünvanlayıb. Azerisport.az xəbər verir ki, paytaxt klubu şikayət məktubunda Azərbaycan Kubokunun yarımfinal mərhələsinin “Xəzər Lənkəran”la cavab oyununun hakimi Elçin Məmmədovun idarəçiliyindən narazılığını bəyan edib.
Klubun baş meneceri Zeynal Məmmədov da açıqlamasında həmin qarşılaşmanın hakimliyindən şikayətlənib: “Həmin oyunda Məmmədov rəqibin lehinə bir sıra səhv qərarlar qəbul etdi. O, “Xəzər Lənkəran”ın oyunçularına bir neçə epizodda qırmızı vərəqə göstərə bilərdi. Lakin Məmmədov rəqibin finala çıxması üçün bütün bacarığından istifadə etdi. Düzdü, komandamız zəif oyun sərgilədi. Amma Məmmədovun həmin qərarları cəzasız qalmamalıdı. Bizim əlimizdə Elçin Məmmədovun rüşvət almasına dair faktlar var. Ona görə də biz onun futboldan kənarlaşdırılmasını tələb edirik”.
