29 aprel 2013 14:15
Qarabağ 5 illik sindroma son qoydu
“Qarabağ” 5 illik fasilədən sonra Qəbələdə qələbə qazanıb. Azerisport.az xəbər verir ki, Ağdam klubu dünən “Qəbələ”ni 2:0 hesabı ilə yendi.
“Qarabağ” sonuncu dəfə bu rayonda 2008-ci ildə qələbəyə sevinmişdi. 5 il sonrakı qələbənin memarı isə Reynaldo olub.
“Qarabağ”ın bu 3 xalı eyni zamanda ardıcıl 5-ci olmaqla uğurlu seriyanın davam etdirib. Final mərhələsinin ilk turunda “Simurq”a səfərdə məğlub olan ağdamlılar ardınca qələbə seriyasına başlayıb: “Qəbələ” 1:0, “Neftçi” 2:1, “İnter” 3:2, “Bakı” 1:0, “Qəbələ” 2:0. Bu altılıq sistemi tətbiq olunduğu çempionatlarda qeydə alınmış yeganə seriyadı. İndiyə kimi final mərhələsindəki ilk altılıqda heç bir klub ardıcıl 5 qələbə qazana bilməmişdi.
