30 aprel 2013 18:46
Türkiyəli qonaqlar Şəhidlər Xiyabanını ziyarət etdilər (FOTOLAR)
Ümummilli lider Heydər Əliyevin 90 illik yubileyi münasibətilə keçiriləcək beynəlxalq yoldaşlıq oyunu ilə əlaqədar Bakıda səfərdə olan Türkiyə futbolunun tanınmış nümayəndələri Hakan Şükür, Rüştü Rəcbər və Abdullah Avcı, həmçinin AFFA-nın və "Bakı" Futbol Klubunun rəhbərliyi bu gün Fəxri Xiyabana gedib. Azerisport.az xəbər verir ki, türkiyəli qonaqlar Heydər Əliyevin məzarını ziyarət edib, abidəsinin önünə əklil qoyublar.
Sonra onlar Şəhidlər Xiyabanına yola düşüb, burada 20 Yanvar və Qarabağ müharibəsi şəhidlərinin məzarına gül dəstələri qoyub, habelə ötən əsrin əvvəllərində Bakının işğaldan azad olunması uğrunda canından keçmiş türk əsgərlərinin xatirə kompleksini ziyarət ediblər. (AFFA)
