30 aprel 2013 14:41
AFFA rəhbərliyini təhqir etdi, 10 oyunluq cəzalandı!
AFFA İntizam Komitəsinin növbəti iclası keçirilib. Azerisport.az xəbər verir ki, aparılan müzakirələrdən sonra aşağı yaş qrupları arasında keçirilən ölkə çempionatlarına dair aşağıdakı qərarlar çıxarılıb:
29 aprel 2013-cü il tarixdə U-17 Liqanın “Turan” – ROİL matçında ROİL iştirak etmədiyi üçün kluba 0:3 hesablı texniki məğlubiyyət verilib.
25 aprel 2013-cü il tarixdə U-16 Liqanın “Qəbələ” – “Neftçi” matçının 63-cü dəqiqəsində “Qəbələ”nin futbolçusu Əli Səmədov hakimi təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün 4 oyunluq cəzalanıb. Oyunun 80+3-cü dəqiqəsində “Qəbələ”nin futbolçusu Emin Zamanov hakimi təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün 4 oyunluq cəzalanıb.
25 aprel 2013-cü il tarixdə U-16 Liqanın “Bakı 008” – “Vətən” matçında “Bakı 008” iştirak etmədiyi üçün kluba 0:3 hesablı texniki məğlubiyyət verilib.
23 aprel 2013-cü il tarixdə U-15 Liqanın “Əlincə” – “İnter” matçının 47-ci dəqiqəsində “İnter”in futbolçusu Murad Piriyev kobud oyuna görə birbaşa qırmızı vərəqə alaraq meydandan kənarlaşdırıldığı üçün 2 oyunluq cəzalanıb.
28 aprel 2013-cü il futzal üzrə Azərbaycan birinciliyinin “Fənərbağça” – “Çevik” matçının 27-ci dəqiqəsində “Çevik”in futbolçusu Rafiq Salayev idmançıya yaraşmayan görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanıb. Oyunun 27-ci dəqiqəsində “Çevik”in futbolçusu Fərhad İsgəndərov idmançıya yaraşmayan görə ikinci sarı vərəqə alaraq meydandan kənarlaşdırıldığı üçün 1 oyunluq cəzalanıb. Oyunun 28-ci dəqiqəsində “Çevik”in rəhbəri Rəhman Musayev AFFA rəhbərliyini və əməkdaşlarını təhqir etdiyi üçün 10 oyunluq cəzalanıb.
