30 aprel 2013 21:55
Bakı Atleticoya 3 cavabsız qolla uduzdu (YENİLƏNİB)
Bu gün “Bakı” ilə Madridin “Atletico” komandaları arasında yoldaşlıq oyunu keçirilib. Azerisport.az xəbər verir ki, matç bu klubların bir neçə aydı davam edən əməkdaşlığı çərçivəsində baş tutub.
“Atletico”nun qarşılaşmaya əsas heyətlə çıxması gözlənilirdi. Lakin baş məşqçi Dieqo Simeone Falkao və Arda Turan kimi əsas ulduzları meydana butaxmayıb. “Bakı” isə gənc və yeniyetmə futbolçuları da daxil olmaqla, ancaq azərbaycanlılardan ibarət heyətlə oynayıb.
Qarşılaşmaya gəlincə, "Atletico" gözlənildiyi kimi, "zolaqlılar" üzərində darmadağına sevinib.
Yoldaşlıq oyunu
30 aprel
BAKI – ATLETİCO - 0:3 (0:1)
Qollar: Oliver, 43 (0:1), R.Qarsiya, 83 (0:2), R.Qarsiya, 88 (0:3)
Oyun başladı
5. Tyaqo qapıya yol tapsa, hakimlər ofsayd qeydə alırlar
6. Adrianın təhlükəli zərbəsi qapıdan azca yan keçdi
10. Hələ ki, "Atletico"nun hücumları daha kəsərli və təhlükəli alınır
18. "Atletico"nun növbəti qolu yenə ofsayd səbəbindən hesaba alınmır
25. O qədər də gərgin mübarizə müşahidə olunmur. Arabir qurulan hücumlar isə çox da təhlükəli alınmır
36. N.Ələsgərov yerini N.Novruzova verir
38. K.Ağayev komandasını real qoldan xilas etdi
43. Oliver qapı qarşısına ötürməni dəqiq zərbəylə tamamlayaraq hesabı açır - 0:1
Matçın ilk yarısına 1 dəqiqə əlavə olunur
Birinci hissə başa çatdı
İkinci hissə başladı
46. "Atletico"da D.Kosta, Saul və Qarsiya meydana daxil olur
46. "Bakı"da K.Ağayevi A.Məmmədov əvəzləyir
53. K.Dias oyunda ilk sarı vərəqənin müəllifi olur
59. A.Məmmədov "Bakı"nı real qoldan xilas edir
59. V.Seyidov R.Hacıyevi əvəzləyir
60. A.Məmmədov iki ardıcıl epizodda komandasını əla seyvlərlə qoldan xilas edir
65. "Atletico"da F.Luis, Suares və Qabi meydana çıxır
67. "Bakı"da Ş.Əliyevin əvəzində meydana E.Rzazadə çıxır
70. A.Nəbiyevi Ü.Süleymanov əvəzləyir
75. V.Abdullayevi T.Qürbətov əvəzləyir
76. S.Abdullazadə də sarı vərəqə alır
80. "Bakı" fasilədən sonra dmək olar ki, hücum etmir. Yeniyetmə futbolçularımız ancaq qapılarının toxunulmazlığı haqda düşünürlər
83. R.Qarsiya "Bakı"nı ikinci dəfə meydanın mərkəzinə dəvət edir - 0:2
88. R.Qarsiya hesabı darmadağın həddinə çatdırır - 0:3
Matç başa çatdı
BAKI: 1.Kamran Ağayev, 29. Əziz Quliyev, 5. Aqil Nəbiyev, 21. Novruz Məmmədov, 25. Şəhriyar Əliyev, 8. Vadim Abdullayev, 11. Elvin Məmmədov, 38. Namiq Ələsgərov, 88. Cavid Hüseynov, 99. Rəhman Hacıyev, 23. Rauf Əliyev.
Ehtiyat oyunçular: 12. Aqil Məmmədov, 7. Mahir Mədətov, 22. Sənan Bayramzadə, 18. Elşən Rzazadə, 17. Tural Qürbətov, 20. Valeh Seyidov, 19. Nurlan Novruzov, 3. Vüqar Mustafayev, 6. Ülvi Süleymanov.
ATLETİCO: 1. Asenxo, 44. Vilya, 5. Tyaqo, 6. Koke, 7. Adrian, 11. Rodriqes, 12. Pulido, 15. Sisma, 18. Kata Dias, 22. İnsua, 30. Oliver.
Ehtiyat oyunçular: 13. Kurtua, 2. Qodin, 3. Felipe Luis, 4. Suares, 8. Qarsiya, 9. Falkao, 10. Arda Turan, 14. Qabi, 18. D.Kosta, 20. Xuanfran, 23. Miranda, 28. Saul.
