1 may 2013 11:53
Arda Turan: Bakının bəzi futbolçularının yaxşı gələcəyi var
Futbol üzrə Türkiyə yığmasının və İspaniyanın “Atletico” klubunun yarımmüdafiəçisi Arda Turan “Bakı” ilə yoldaşlıq oyunundan sonra azerisport.az saytının suallarını cavablandırıb.
- Siz oyunda iştirak etmədiniz. Niyə?
- Mənim zədəm var idi. Hələ bərpa dövrünü tam geridə qoya bilməmişəm. Bu üzdən də Dieqo Simeone məni ehtiyatda saxlamağa qərar verdi.
- Mənim zədəm var idi. Hələ bərpa dövrünü tam geridə qoya bilməmişəm. Bu üzdən də Dieqo Simeone məni ehtiyatda saxlamağa qərar verdi.
- Amma azərbaycanlı azarkeşlər sizin meydana çıxmağınızı səbrsizliklə gözləyirdi...
- Bilirəm. Mən çox təəssüf edirəm ki, onları sevindirə bilmədim. Azarkeşlərin Azərbaycan və Türkiyəyə aid şüarlar səsləndirməsini də eşitdim. Bu, mənim üçün çox xoş idi.
- Sizinlə yanaşı Falkao və bəzi digər əsas heyət oyunçuları da oynamırdı...
- Hə. Baş məşqçi belə qərar vermişdi. Çünki “Real”la oyunda çoxlu güc sərf etmişdik. Görünür, bunu nəzərə almışdı.
- Bütövlükdə, oyunu necə qiymətləndirə bilərsiz?
- Yoldaşlıq xarakteri daşıyan bir oyun oldu. “Bakı”nın bəzi futbolçularının çıxışı xoşuma gəldi. Onların yaxşı gələcəyi var.
- Türkiyə yığmasının nəticələri ilə Azərbaycanda çox maraqlanırlar. Amma komandanız cari seçmə tsikldə o qədər də uğurlu çıxış etmir...
- Bəli, seçmə mərhələyə çox uğursuz başladıq. Amma mən əminəm ki, komandamız DÇ-2014-ün final mərhələsinə vəsiqə qazanacaq və azərbaycanlı azarkeşlərini də sevindirəcək gücdədi.
