2 may 2013 00:27
Duayt York: Azərbaycan çempionatında 10-dan artıq qol vura bilərəm
Futbol üzrə Trinidad və Tobaqo yığmasının, eləcə də İngiltərənin “Manchester United” klubunun sabiq forvardı Duayt York Azərbaycan və Avropanın veteran futbolçuları arasında keçirilmiş yoldaşlıq oyununda qonaqların heyətindəki ən fəallardan biri idi. Qarşılaşmada son nöqtəni qoyan ötənlərin məşhur futbolçusu matçdan sonra azerisport.az saytının suallarını cavablandırdı.
- Oyunda hesabı məhz siz aça bilərdiniz. Amma nədənsə Arçil Arveladzeyə ötürmə verməyi qərara aldınız. Niyə?
- Özünüz də başa düşürsünüz ki, bu, bir yoldaşlıq görüşü idi. Burda hər şey şənlənmək, macəra xatirinə edilir. Siz meydana çıxanların hansına bu oyuna ciddi yanaşdıqlarına dair sual versəz, başlarını yelləyərlər. Mən də məhz bu üzdən boş qapını nişan almağa yox, Arveladzeyə ötürmə etməyə qərar verdim.
- Özünüz də başa düşürsünüz ki, bu, bir yoldaşlıq görüşü idi. Burda hər şey şənlənmək, macəra xatirinə edilir. Siz meydana çıxanların hansına bu oyuna ciddi yanaşdıqlarına dair sual versəz, başlarını yelləyərlər. Mən də məhz bu üzdən boş qapını nişan almağa yox, Arveladzeyə ötürmə etməyə qərar verdim.
- Bu gün azərbaycanlı müdafiəçilər üçün əsl başağrısına çevrilmişdiniz...
- Hə, onları bir az qaçmağa məcbur etdim (gülür). Mən hələ o qədər də yaxşı formada deyiləm.
- Sonuncu oyununuzdan nə qədər vaxt keçib?
- Təxminən bir ilə yaxındı futbol oynamırdım. Daha çox məşq etmək lazımdı. Əvvəllər yaxşı idi. İndi bir saat oynamaqda çətinlik çəkirəm.
- Təxminən bir ilə yaxındı futbol oynamırdım. Daha çox məşq etmək lazımdı. Əvvəllər yaxşı idi. İndi bir saat oynamaqda çətinlik çəkirəm.
- Bəs azərbaycanlı həmkarlarınız barədə nə deyə bilərsiz?
- Onlar göstərdilər ki, azərbaycanlılar da futbol oynamağı bacarırlar. Bakıda heç vaxt olmamışdım. Burda nələr baş verdiyini də bilmirdim. Yeri gəlmişkən, çox möhtəşəm şəhəriniz var.
- Onlar göstərdilər ki, azərbaycanlılar da futbol oynamağı bacarırlar. Bakıda heç vaxt olmamışdım. Burda nələr baş verdiyini də bilmirdim. Yeri gəlmişkən, çox möhtəşəm şəhəriniz var.
- Siz Trinidad və Tobaqo yığmasının heyətində dünya çempionatında oynamaq imkanı qazanmısız. Komandanız belə uğura bir də nə vaxt imza atacaq?
- Buna vaxt lazımdı. O vaxt bizdə ulduz oyunçular çox idi. Amma indikilər bir qədər geri qalırlar. Trinidad yığmasının həmin uğurlarının Azərbaycanda xatırlanması məni çox təəccübləndirdi.
- Yığmanızın baş məşqçisi olmaq arzunuz yoxdu?
- Əlbəttə! Kim bunu arzulamaz ki? Lakin bu arzumun federasiya rəhbərliyinin arzuları ilə üst-üstə düşməsi daha vacibdi.
- Əlbəttə! Kim bunu arzulamaz ki? Lakin bu arzumun federasiya rəhbərliyinin arzuları ilə üst-üstə düşməsi daha vacibdi.
- Bəlkə yenə də futbol oynamağa davam edəsiz. Siz indiki formanızla Azərbaycan çempionatında heç də pis təsir bağışlamazdınız...
- (bir qədər düşünür) Nə qədər qol vura bilərəm?
- 10 qol vura bilərdiniz...
- 10? Niyə belə az? Mən daha çox vurardım (gülür).
