1 may 2013 21:16
Veteranlar 6 qolluq heç-heçəyə razılaşdılar (YENİLƏNİB)
Bu gün ümummilli lider Heydər Əliyevin 90 illik yubileyi münasibətilə Bayıl stadionunda veteran futbolçular arasında beynəlxalq yoldaşlıq oyunu keçirilib. Azerisport.az xəbər verir ki, azərbaycanlı futbol veteranları Avropanın müxtəlif ölkələrindən təşrif buyurmuş həmkarlarına qarşı mübarizə aparıblar.
Qarşılaşma gözlənildiyi kimi, bol qollu alınıb və sülhlə başa çatıb - 3:3
Azərbaycan – Avropa - 3:3 (1:1)
Qollar: A.Arveladze, 6 (0:1), V.Qasımov, 23 (1:1), S.Ələkbərov, 32 (2:1), V.Qasımov, 41 (3:1), A.Arveladze, 55 (3:2), D.York, 58 (3:3)
Hakimlər: Rüstəm Rəhimov, Xaqani Məmmədov.
Bakı. “Bayıl Arena”.
Topa simvolik olaraq ilk zərbəni Ələkbər Məmmədov vurdu
Oyun başladı
5. Veteranlarımız meydanın mərkəzini sürətlə keçməsiylə seçilirlər
6. A.Arveladze dəqiq zərbə ilə hesabı açır - 0:1
11. Qonaqlar az qala ikinci qolu vuracaqdılar. Amma öncə qapıçı E.Həsənov, ardından isə Y.Vahabzdə komandamızı real qoldan xilas edir
15. Heyətimizdə artıq bir neçə əvəzləməyə əl atılıb və daha yaşlı veteranlarımız nisbətən cavan futbolçularla əvəzlənib
16. York qonaq veteranların heyətində ən təhlükəlilərdəndi
23. Ş.Diniyevin ideal ötürməsindən sonra meydana yenicə daxil olan V.Qasımov ilk toxunuşdaca hesabı bərabərləşdirir - 1:1
26. Bernardesin qol vurmasına son anda E.Həsənov mane olur
28. Komandamızı qapı dirəyi real qoldan xilas edir
30. V.Qasımovun cərimə zərbəsi qapı çatından geri dönür
Yarım saatlıq ilk hissə başa çatdı
İkinci hissə başladı
Fasilədə heyətdə bir sıra dəyişikliklər olub. Eyni zamanda ikinci hissədə baş hakim də dəyişib. Artıq qarşılaşmanı X.Məmmədov idarə edir
32. S.Ələkbərov cinahdan ötürülən topu başla uzaq küncə göndərir və komandamızı hesabda önə keçirir - 2:1
41. V.Qasımov özünün ikinci, komandasının üçüncü qoluna imza atır - 3:1
45. C.Əliyev Yorkun qol vurmasına topu kornerə çıxarmaqla mane olur
51. C.Əliyev növbəti dəfə komandasını real qoldan xilas edir
54. A.Arveladze özünün və komandasının ikinci qolunu vurur - 3:2
58. D.York hesabı bərabərləşdirir - 3:3
Matç başa çatdı
Azərbaycan veteranları: Camaləddin Əliyev, Elxan Həsənov, Dmitri Kramarenko, Əsgər Abdullayev, Şakir Qəribov, Asim Xudiyev, Əbdülqəni Nurməmmədov, Şahin Diniyev, İsgəndər Cavadov, İqor Ponomaryov, Vaqif Sadıqov, Tərlan Əhmədov, Oqtay Abdullayev, Mehman Allahverdiyev, Vidadi Rzayev, Qurban Qurbanov, Samir Ələkbərov, Nazim Əliyev, Nazim Süleymanov, Arif Əsədov, Maşallah Əhmədov, Vəli Qasımov, Yaşar Vahabzadə, Asif Əliyev, Müşviq Hüseynov.
Məşqçilər: Ağasəlim Mircavadov, Səməd Qurbanov.
Beynəlxalq veteranlar yığması: Berti Foqts, Uli Ştayn, Dario Şimiç, Tomas Stepan, Edmar Bernardes Dos Santos, Bernd Şuster, Hakan Şükür, Duayt York, Abdullah Avcı, Rüştü Recber, Andrey Kançelskis, Revaz Arveladze, Arçil Arveladze, Leonid Buryak, Aleksandr Çivadze, Andrey Ziqmantoviç, Vaqiz Xidiyatullin, Tengiz Sulakvelidze, Kaxaber Sxadadze, Nikolay Boqdanov.
Məşqçilər: Berti Foqts, Con Toşak.
