2 may 2013 17:05
Bakı Bojidar Bandoviç ilə yayda yollarını ayıracaq
“Bakı” rəhbərliyi komandanın cari mövsümdəki çıxışından narazı qalıb. Azerisport.az xəbər verir ki, klub rəhbərliyi artıq komandanın üzvlərini ölkə kubokunun “Xəzər Lənkəran”la cavab oyunundakı məğlubiyyətə (0:2) görə cərimə edib.
Çünki ilk oyunda 1:0 hesabıyla qalib gəlməsinə baxmayaraq, ümumi nəticə lənkəranlıların xeyrinə olduğundan “zolaqlılar” kubokla vidalaşmışdılar. Belədə Avropa Liqasına vəsiqə üçün böyük ümidlərlə baxdıqları kubokda da uğursuzluqla üzləşən “Bakı” rəhbərliyi indi bütün ümidini Premyer Liqada dördüncü yeri tutmağa bağlayıb.
Lakin hətta buna nail olacaqları halda da paytaxt klubunun avrokubok istəkləri dərhal gerçəkləşməyəcək. Çünki “Bakı”nın avrokuoklara vəsiqə qazanması üçün “Qarabağ” və ya “İnter”dən birinin çempion olması, eyni zamanda “Neftçi”nin kubokun finalında qalib gəlməsi lazım gələcək.
Bütün bu uğursuzluqlar yayda komandada ciddi dəyişikliklərin baş verəcəyinə bir işarə sayıla bilər. Klub rəhbərliyi elə “Xəzər Lənkəran”la görüşdən dərhal sonra əksər futbolçuların yayda göndəriləcəyini bəyan etmişdi. Eyni zamanda baş məşqçi Bojidar Bandoviçin də postundan getməsi istisna olunmur. Bunu saytımıza açıqlamasında klubun baş meneceri Zeynal Məmmədov da təsdiqləyib:
“Hazırda hələ heç kim baş məşqçi dəyişmək haqda düşünmür. Mövsümün gedişində belə bir addım atmaq yanlışlıq olar. Bu məsələ ilə bağlı mövsümün sonunda qərar verəcəyik. Mümkündü ki, serbiyalı mütəxəssis komandanı tərk etsin. Hələ komandanın avrokuboklara düşmək şansı qalır. Ona görə də gözləmək lazımdı”.
“Hazırda hələ heç kim baş məşqçi dəyişmək haqda düşünmür. Mövsümün gedişində belə bir addım atmaq yanlışlıq olar. Bu məsələ ilə bağlı mövsümün sonunda qərar verəcəyik. Mümkündü ki, serbiyalı mütəxəssis komandanı tərk etsin. Hələ komandanın avrokuboklara düşmək şansı qalır. Ona görə də gözləmək lazımdı”.
