4 may 2013 01:14
Qurban Qurbanov: Taleyimiz hələ öz əlimizdə deyil
“Qarabağ”ın baş məşqçisi Qurban Qurbanovun azerisport.az saytına müsahibəsi
- “Neftçi” ilə oyuna necə hazırlaşa bilmisiz?
- Hazırlıqlar plan üzrə gedir. Təəssüf ki, itkilərimiz var. Lakin bu, bizim mövsümdəki ən vacib oyuna köklənməyimizə mane olmamalıdı. “Qarabağ” bu oyundan qalib ayrılmaq istəyir. Elə oynamalıyıq ki, itkilərim özünü hiss etdirməsin.
- Bu mövsüm üç dəfə “Neftçi”yə qalib gələ bilmisiz. Rəqibi nə dərəcədə yaxşı analiz edə bilmisiz?
- Biz hər oyuna qələbə üçün çıxırıq. Qarşıdakı oyun əvvəlkilərdən fərqlənəcək. Mən şadam ki, futbolçularımız “Neftçi” ilə oyunlarda özlərini yaxşı hiss edirlər, ələ düşən qol epizodlarını dəyərləndirə bilirlər.
- Biz hər oyuna qələbə üçün çıxırıq. Qarşıdakı oyun əvvəlkilərdən fərqlənəcək. Mən şadam ki, futbolçularımız “Neftçi” ilə oyunlarda özlərini yaxşı hiss edirlər, ələ düşən qol epizodlarını dəyərləndirə bilirlər.
- “Neftçi”nin əsas silahı Nikolas Kanalesdi. Siz də bununla razısız?
- Təkcə Kanalesə diqqət ayırmaq olmaz. “Neftçi”nin heyətində parlaq oyun sərgiləyən futbolçular çoxdu. Araz Abdullayev də son dövrlər yaxşı təsir bağışlamaqdadı. Rəşad Sadiqov yeni səviyyəyə yüksəlib. Ona görə də “Neftçi”yə qarşı komanda olaraq sona kimi mübarizə aparmalıyıq.
- Əvvəlki üç çempionat oyunundakı qələbə futbolçularınıza psixoloji baxımdan yardımçı ola bilər?
- Biz hər oyuna ayrıca köklənirik. Mümkündü ki, bunun müsbət təsiri olsun. Amma mən komandamın nəyə görəsə arxayınlaşmasını istəmirəm. Uşaqlar başa düşməlidilər ki, qələbə bizi çempionluğa yaxınlaşdıracaq.
- Biz hər oyuna ayrıca köklənirik. Mümkündü ki, bunun müsbət təsiri olsun. Amma mən komandamın nəyə görəsə arxayınlaşmasını istəmirəm. Uşaqlar başa düşməlidilər ki, qələbə bizi çempionluğa yaxınlaşdıracaq.
- Bəs məğlub olsaz?
- Elə olan halda çempionluq şanslarımız çox da yüksək olmayacaq. Hələ taleyimiz öz əlimizdə deyil. Ona görə də bizə aid olmayan şey haqqında düşünməməliyik.
- Heç-heçə də sizi qane etməyəcək?
- Bu, oyunun gedişatından asılı olacaq. Bir xalı həm qazanılmız saya bilərik, həm də iki xal itkisi kimi. Amma şəxsən mən heç-heçə haqda düşünmək istəməzdim. Bizə qələbə qazanmaq lazımdı.
- “Neftçi”yə kubokdakı məğlubiyyəti unuda bilmisiz?
- Kubok ayrıca söhbətin mövzusudu. Biz öz səhvlərimizdən nəticə çıxarmışıq. Çalışacağıq ki, həmin səhvləri təkrarlamayaq. Meydana qələbə üçün çıxacağıq.
- Kubok ayrıca söhbətin mövzusudu. Biz öz səhvlərimizdən nəticə çıxarmışıq. Çalışacağıq ki, həmin səhvləri təkrarlamayaq. Meydana qələbə üçün çıxacağıq.
