3 may 2013 13:35
Rəvan düşərgli rəqibə qarşı
"Rəvan” Topaz Premyer Liqasının 29-cu turunda "Sumqayıt”la üz-üzə gələcək. Azerisport.az xəbər verir ki, mayın 4-də "Bayıl stadionu”nda keçiriləcək oyunun başlama vaxtı 17:00-dı.
Hələlik isə matçdan əvvəl rəqəmlərin vəziyyəti necə əks etdirməsinə nəzər salmaq yerinə düşərdi.
“Rəvan” bu rəqiblə indiyə qədər 7 dəfə qarşılaşıb. Üstünlük tamamilə bakılıların tərəfindədi. Belə ki, baş tutan oyunların 5-də qələbəni məhz "Rəvan” bayram edib. Top fərqində də 11:5 irəlidəyik. Özü də "Sumqayıt”la səfərdə keçirilən matçların hər üçündə “Rəvan” qalib gəlib. Maraqlısı budu ki, bütün oyunlar 1:0 hesabı ilə başa çatıb. Görəsən, bu dəfə də eyni hesab qeydə alınacaq?
"Rəvan” son 6 oyununun 5-də qələbə qazanıb. Səfər oyunlarına gəlincə, 2013-cü ildə qələbə-məğlubiyyət ardıcıllığı sıralanır. Bu baxımdan indi növbə qələbənindir. "Sumqayıt” isə son 4 matçda cəmi 1 xal toplaya bilib. Buna görə də onların elitanı tərk etmək ehtimalı qalmaqdadır.
