3 may 2013 14:11
Aqil Nəbiyev: Bakı 4-cü pilləni tutmağa borcludu
“Bakı”nın müdafiəçisi Aqil Nəbiyevin azerisport.az saytına müsahibəsi
- “İnter”lə oyundan nə gözləyirsiz?
- “İnter” güclü rəqibdi. Amma ilk altılıqda zəif komanda da yoxdu. Başa düşürük ki, bizi çox çətin sınaq gözləyir. Lakin qarşıya qoyulan məqsədə çatmaq üçün qələbə qazanmaqdan başqa çıxış yolumuz yoxdu.
- “İnter” güclü rəqibdi. Amma ilk altılıqda zəif komanda da yoxdu. Başa düşürük ki, bizi çox çətin sınaq gözləyir. Lakin qarşıya qoyulan məqsədə çatmaq üçün qələbə qazanmaqdan başqa çıxış yolumuz yoxdu.
- Güman ki, komandanızın hədəfi sadəcə dördüncü pilləni tutmaqdı...
- Bəli, dördüncü pilləni tutub, Avropa Liqasına düşmək istəyirik. Başa düşürük ki, hətta buna nail olacağımız halda da avrokuboklardan kənarda qala bilərik. Amma başqa çıxış yolumuz da yoxdu.
- O zaman “Neftçi”nin ölkə kubokunda qalib gəlməsini arzulamalısız...
- Biz özümüzə başqa çıxış yolu qoymamışıq. Hesab edirəm ki, “Bakı” dördüncü yeri tutmağa borcludu. Əsas hədəfimiz də budu.
- “Atletico”ya qarşı keçirdiyiniz yoldaşlıq oyunu bu matç öncəsi komandanıza necə təsir göstərə bilər?
- Fikrimcə, bu oyun bizə lazım idi. Rəhbərliyə belə bir oyunu təşkil etdiyinə görə təşəkkürümü bildirirəm. Xüsusilə də gənc futbolçularımız üçün bu, böyük təcrübə oldu. Oyun zamanı çoxlu dəyişikliklər edildiyinə görə, heç kimdə yorğunluq yoxdu.
- Fikrimcə, bu oyun bizə lazım idi. Rəhbərliyə belə bir oyunu təşkil etdiyinə görə təşəkkürümü bildirirəm. Xüsusilə də gənc futbolçularımız üçün bu, böyük təcrübə oldu. Oyun zamanı çoxlu dəyişikliklər edildiyinə görə, heç kimdə yorğunluq yoxdu.
- Həmin oyunda daha çox nə yadınızda qaldı?
- Fikrimcə, bu oyun daha çox gənc futbolçularımızın yadında qalacaq. Onlar dünyanın futbol ulduzlarına qarşı oynamaq imkanı qazandılar. Bu oyunun iştirakçısı olmaq mənim üçün də xoş idi.
