3 may 2013 17:44
Marçin Burhard: Avropa Liqasına vəqiqə qazanmaq üçün çox yaxşı şansımız var
“Simurq”un yarımmüdafiəçisi Topaz Premyer Liqasının 29-cu turunun “Qəbələ” ilə oyunu öncəsi fikirlərini açıqlayıb. Azerisport.az saytına müsahibəsində o, bunları dilə gətirib:
“Bizi çox ağır oyun gözləyir. Bilirik ki, bu oyun dördüncü yeri tutmaq baxımından nə qədər önəmlidi. Bu üzdən də artıq qələbə qazanmaq vaxtıdı. Özü də doğma divarlar arasında oynayacağıq. “Qəbələ” sıradan rəqib deyil. Amma biz üç xal qazanacağımıza ümidliyik”.
“Bizi çox ağır oyun gözləyir. Bilirik ki, bu oyun dördüncü yeri tutmaq baxımından nə qədər önəmlidi. Bu üzdən də artıq qələbə qazanmaq vaxtıdı. Özü də doğma divarlar arasında oynayacağıq. “Qəbələ” sıradan rəqib deyil. Amma biz üç xal qazanacağımıza ümidliyik”.
Zaqatala təmsilçisi artıq xeyli müddətdi qələbə üzünə həsrətdi. Burhard bunun səbəbini belə izah edir: “Bizi qol vəziyyətlərini boşa verməyimiz çətin vəziyyətdə qoyur. “Bakı” ilə oyunda 90 dəqiqəni hücumda keçirdik. Hücumlarımız da, rəqib qapısına zərbələr də kifayət qədər çox idi. Amma yenə də qələbə qazana bilmədik. Kamran Ağayev həmin gün keçilməz idi. Belə bir oyunu məğlub başa vurmaq isə daha çətin idi”.
Artıq “Simurq”la “Bakı” arasında cəmi iki xallıq fərq var. Marçin dördüncü pillədəki yerlərini qoruyacaqlarına əmindi: “Qarşıda daha dörd tur var. Çalışacağıq ki, dördüncü pilləni qoruyaq. Başqa yolumuz yoxdu. Çünki avrokuboklara yollanmaq üçün çox yaxşı şansımız var. Sadəcə, oynamağa davam etməliyik”.
