5 may 2013 23:15
Arif İsayevin növbəti qolu Denizlispora qələbə qazandırdı (YENİLƏNİB)
Futbol üzrə Azərbaycan yığmasının yarımmüdafiəçisi Arif İsayevlə müdafiəçi Rail Məlikovun şərəfini qoruduğu Türkiyənin “Denizlispor” klubu bu gün növbəti matçına çıxıb. Azerisport.az xəbər verir ki, həmyerlilərimizin komandası PTT Birinci Liqanın 33-cü turu çərçivəsində “Ankaragücü” ilə qarşılaşıb.
Oyun rəqib meydanında keçirilirdi. Odu ki, həmyerlilərimizin komandasını çətin sınaq gözləyirdi. Lakin buna baxmayaraq ki, bu komanda səfərdə darmadağına imza atıb.
Bu görüşdə futbolçularımızın da iştirakı istisna deyildi. Baş məşqçi Özcan Bizati Railə start heyətdə şans verib. Məlikov sonadək meydanda olub. İsayev isə meydana 64-cü dəqiqədə, hesab 2:0 komandasının xeyrinə olarkən çıxıb. Elə görüşün yekun nəticəsini də Arifin 81-ci dəqiqədə vurduğu qol həll edib - 3:0.
Bu, İsayevin Türkiyədəki üçüncü qoludu. Lakin əvvəlki iki qolu komandasına xal qazandırmamışdı.
Qeyd edək ki, Ariflə Railin komandası 33 oyuna 40 xalla 13-cü yerdə gedir.
PTT Türkiyə Birinci Liqası
32-ci tur
5 may
Ankaragücü - Denizlispor - 0:3
