5 may 2013 11:23
“Neftçi 90 faiz çempiondu”
“Neftçi”nin müdafiəçisi Elvin Yunuszadənin azerisport.az saytına müsahibəsi
- “Qarabağ” üzərində çoc vacib qələbə qazandınız. Oyunla bağlı nə deyə bilərsiz?
- İlk növbədə onu qeyd edim ki, bu oyuna final matçı kimi yanaşırdıq və çox ciddi hazırlaşmışdıq. Əminəm ki, rəqib komanda da oyuna eyni şəkildə ciddi yanaşırdı. Gördünüyüz kimi, bu gün stadiona gələn azarkeşlərin də sayı əvvəlkilərlə müqayisədə çox idi. Gərgin oyun oldu. Azərbaycan kubokundakı zəfərdən sonra biz çempionatda da prinsipial rəqibimizi məğlub etməyi bacardıq.
- “Neftçi” nəticəyə oynayırdı?
- Bu, normal haldı. Çünki rəqibin bizi məğlub etməkdən başqa çıxış yolu yox idi. “Qarabağ”a yalnız qələbə lazım olduğu halda, bizi hətta heç-heçə də qane edirdi.
- Bu, normal haldı. Çünki rəqibin bizi məğlub etməkdən başqa çıxış yolu yox idi. “Qarabağ”a yalnız qələbə lazım olduğu halda, bizi hətta heç-heçə də qane edirdi.
- Müdafiəçi olsanız da, Nikolas Kanalesə çox yaxşı qol ötürməsi etdiniz. Bu bacarıq hardandı?
- (gülür) Həqiqətən də yaxşı ötürmə alındı. Kanalesə qol vurmaqdan başqa yol qalmadı.
- (gülür) Həqiqətən də yaxşı ötürmə alındı. Kanalesə qol vurmaqdan başqa yol qalmadı.
- Penalti var idi?
- Bilmirəm. Hər şey o qədər sürətlə baş verdi ki, görə bilmədim.
- Bilmirəm. Hər şey o qədər sürətlə baş verdi ki, görə bilmədim.
- Bu qələbənin sizi çempionluq tituluna daha da yaxınlaşdırdığını demək olar?
- Biz artıq 90 faiz çempionluğu özümüzə təmin etmişik. Növbəti turda bunu rəsmiləşdirməyə çalışacağıq.
- Oyundan sonra çempion olubmuş kimi sevinirdiniz...
- Bu, məhz dediyim 90 faizin sevinci idi (gülür). Qalan faizin sevincini növbəti turlara saxlamışıq. Növbəti turda qələbə qazansaq və rəqiblərimiz xal itirsə, daha çox sevinəcəyik.
