5 may 2013 14:26
“Gürcüstan, Azərbaycan və Qazaxıstanın birləşmiş çempionatını bəziləri dəstəkləmir”
Gürcüstan Futbol Federasiyasının baş katibi Revaz Arveladzenin azerisport.az saytına müsahibəsi
- Gürcüstanda son dövrlər Azərbaycan və Qazaxıstanla birgə çempionat keçirmək ideyası qızğın müzakirə olunurdu. Sizin bu çempionatla bağlı fikirlərinizi bilmək istərdik...
- Bu, hələlik yalnız ideyadı. Onu GFF prezidenti Zviyad Siçinava səsləndirib. Fikrimcə, bu çempionat maraqlı alına bilər. Lakin çempionatın detalları ilə bağlı heç nə məlum deyil. Sadəcə üç ölkə və mümkün bir turnir...
- Siz buna inanırsız?
- Əlbəttə, bu ideyanın baş tutmasını əngəlləyən çoxlu amillər var. Lakin hər şeydən əvvəl FİFA və UEFA-nın mövqeyini öyrənmək lazımdı. Əgər onlar bunu mümkün saysalar, qrup yaratmaq olar. Bir tərəfdən maraqlı ideyadı, digər tərəfdən də müəyyən adamlar var ki, bunu heç dəstəkləmirlər.
- Əlbəttə, bu ideyanın baş tutmasını əngəlləyən çoxlu amillər var. Lakin hər şeydən əvvəl FİFA və UEFA-nın mövqeyini öyrənmək lazımdı. Əgər onlar bunu mümkün saysalar, qrup yaratmaq olar. Bir tərəfdən maraqlı ideyadı, digər tərəfdən də müəyyən adamlar var ki, bunu heç dəstəkləmirlər.
- Bu ideya Azərbaycan və Qazaxıstanda dəstək almadı. Hətta Azərbaycanda sizdə olduğu qədər güclü müzakirə də aparılmadı...
- Düzü, heç bizdə də ciddi müzakirələr aparılmır. Çünki indidən hansısa nəticələr çıxarmaq çox tezdi. Yenə də deyirəm ki, hələlik yalnız ideya mövcuddu. Gerçəkləşə də bilər, gerçəkləşməyə də.
- Azərbaycan və Avropanın veteranlardan ibarət yığmaları arasındakı oyunda (3:3) iştirak etdiniz. Təəssüratlar necədi?
- Belə oyunlar həmişə çoxlu emosiya bağışlayır. Burda çoxlu keçmiş futbolçular var idi. Vaxtilə bir-birimizə qarşı çox oynamışıq. Çoxdan idi futbol oynamayanlar da vardı. Azərbaycanlı dostlarımızla bu cür bir araya gəlməyimiz həmişə xoşdu.
- Nəticə ilə bağlı öncədən razılığa gəlmişdiniz?
- Düzünü deyim ki, bu barədə heç nə eşitməmişəm. Ən azından mənimlə bunu müzakirə edən olmamışdı.
- Düzünü deyim ki, bu barədə heç nə eşitməmişəm. Ən azından mənimlə bunu müzakirə edən olmamışdı.
