7 may 2013 13:51
Rəvan Kəpəzlə oyuna 4 ciddi itki ilə çıxacaq
Sabah Topaz Premyer Liqasının 30-cu turu çərçivəsində “Rəvan” "Kəpəz”in qonağı olacaq. Azerisport.az xəbər verir ki, komanda bu gün səhər məşqi ilə bu oyuna hazırlığı başa vurub.
Baş məşqçi Ramil Əliyev təxminən 1 saatlıq məşqdə yetirmələrinin topu özündə saxlaya bilməsi üzərində xüsusi dayanıb. Xüsusən də rəqibin pressinqi altında topu itirməməyə hesablanmış nüanslarda. Eyni zamanda qısa ötürmələr və qapıya zərblər üzərində işləmək də yaddan çıxmayıb.
Qeyd edək ki, gənc çalışdırıcını qayğılandıran əsas məsələ heyətin komplektliyi ilə bağlıdı. Axı "Sumqayıt”la son oyunda Orxan Lalayev və Samuel Barlay ikinci sarı vərəqələrini alaraq meydandan qovulmuşdu. Üstəlik, Miloş Adamoviç də sarı vərəqə limitini doldurduğuna görə cəzalı duruma düşüb. Bura Nikolay Orlovskinin ayağından hələ də ağrılar hiss etdiyini əlavə etsək, vəziyyətin qəliz olduğu tam aydınlaşar. Axı söhbət 3 əsas heyət oyunçusundan gedir. (klub saytı)
