8 may 2013 11:32
“Neftçi bu tur çempion olacaq”
“Xəzər Lənkəran”ın sabiq baş məşqçisi Yunis Hüseynov Topaz Premyer Liqasının 30-cu turunun oyunları ilə bağlı proqnozlarını açıqlayıb. Azerisport.az sizi həmin proqnozlarla tanış edir.
Kəpəz – Rəvan
“Kəpəz” hazırda “Rəvan”a müqavimət göstərəcək durumda deyil. Ona görə də burda xüsusi nəsə düşünməyə də dəyməz. “Rəvan” qalib gələcək.
AZAL – Sumqayıt
Əgər səhv etmirəmsə, AZAL ikinci altılıqda hələ uduzmayıb. Cəmi bircə heç-heçələri olmalıdı. Bu, komandanın sabit çıxışından xəbər verir. “Sumqayıt” da sıradan komanda deyil. Amma məncə “təyyarəçilər” qələbə şansını əldən qaçırmazlar.
Xəzər Lənkəran – Turan
Lənkərandakı son oyunu zamanı “Turan” meydan sahiblərinə xeyli çətinliklər yaşatmışdı. Tovuzlular indi də pis oynamırlar. Amma mən lənkəranlıların bu oyunda onlara nəsə etməyə imkan verəcəyinə şübhə edirəm. “Xəzər Lənkəran” qalib gələcək.
Lənkərandakı son oyunu zamanı “Turan” meydan sahiblərinə xeyli çətinliklər yaşatmışdı. Tovuzlular indi də pis oynamırlar. Amma mən lənkəranlıların bu oyunda onlara nəsə etməyə imkan verəcəyinə şübhə edirəm. “Xəzər Lənkəran” qalib gələcək.
Bakı – Qəbələ
“Qəbələ” hazırda heç də xoş günlərini yaşamır. Şansları da qalmayıb. “Bakı” isə hələlik dördüncü yer uğrunda mübarizə apara bilər. Ona görə də “zolaqlılar”ın bu görüşdən qalib ayrılacağını düşünürəm.
“İnter” – “Qarabağ”
Əgər “Qarabağ” qalib gəlsə, onların çempionluq şansları qalacaq. Amma mən “İnter”in buna imkan verməsinə inanmıram. Hər iki komanda güclüdü. Ona görə də heç-heçə proqnozlaşdırıram.
Neftçi – Simurq
Əgər “Neftçi” qızıl medalları özü üçün təmin etmək istəyirsə, “Simurq”u mütləq məğlub etməlidi. Əlbəttə, “Qarabağ”ın necə oynamasından da çox şey asılı olacaq. “Neftçi” bu görüşdə qalib gələcək və güman ki, çempionluğunu rəsmiləşdirəcək.
