8 may 2013 13:15
Aleksandr Səmədov: Yuri Syominin adı rusiyalı futbolçuları Azərbaycana gətirə bilər
Futbol üzrə Rusiya yığmasının və Moskva “Lokomotiv”inin Azərbaycan əsilli yarımmüdafiəçisi Aleksandr Səmədovun azerisport.az saytına müsahibəsi
- Siz Yuri Syominin rəhbərliyi altında oynamasaz da, o da vaxtilə “Lokomotiv”də çalışıb. Sizin bu mütəxəssis barədə düşüncələriniz necədi?
- Mən onun rəhbərliyi altında oynamamışam. Amma komandasına qarşı mübarizə aparmışam. Çox təcrübəli mütəxəssisdi. Rusiya klubları üçün çox iş görüb. Adlı-sanlı mütəxəssisin təqdimata ehtiyacı yoxdu.
- Mən onun rəhbərliyi altında oynamamışam. Amma komandasına qarşı mübarizə aparmışam. Çox təcrübəli mütəxəssisdi. Rusiya klubları üçün çox iş görüb. Adlı-sanlı mütəxəssisin təqdimata ehtiyacı yoxdu.
- Bilirsiz ki, Syomin karyerasını Azərbaycanda davam etdirə bilər?
- Belə bir məlumatım yoxdu. Syomin intizamı sevən mütəxəssisdi. Yaxşı mütəxəssis və inşandı.
- Belə bir məlumatım yoxdu. Syomin intizamı sevən mütəxəssisdi. Yaxşı mütəxəssis və inşandı.
- “Qəbələ”nin əyalət komandası olması Syominin işində çətinlik yaratmaz ki? Axı o, adətən paytaxt klublarını çalışdırıb...
- Fikrimcə, ona hər şeydən öncə yaxşı iş yeri lazımdı. Əgər onunla danışıqlar aparılırsa, klub onun istədiyi şəraiti təklif etməlidi. Syomin hər təklifə razılıq verməz. Amma onun Azərbaycandakı karyerasının necə alınacağını proqnozlaşdıra bilmərəm. Azərbaycan çempionatı maraqlı turnirdi. Syomin orda yaxşı komanda yarada bilər.
- Bir neçə il öncə “Qəbələ”yə Toni Adams rəhbərlik etsə də, komandanı avrokuboklara çıxara bilmədi...
- Adams yaxşı müdafiəçi olub. Amma mən onun nə dərəcədə yaxşı məşqçi olduğunu bilmirəm. Syomin isə tanınmış və sözünü demiş məşqçidi. O, harda və necə işləmək lazım olduğunu yaxşı bilir.
- “Qəbələ”ni çalışdırsa, onun əvvəlki yetirmələrini də Azərbaycana dəvət etməsi mümkündü?
- Syominin adı çox şeyi dəyişə bilər. Baxmayaraq ki, Rusiya çempionatı Azərbaycan Premyer Liqasından daha güclüdü.
- Syominin adı çox şeyi dəyişə bilər. Baxmayaraq ki, Rusiya çempionatı Azərbaycan Premyer Liqasından daha güclüdü.
- Bəs “Qəbələ” sizə təklif göndərsə, Syominin rəhbərliyi altında oynamaq istərsiz?
- Fikrimcə, biz çox uzağa getdik (gülür). Mənim “Lokomotiv”lə hələ üç illik müqaviləm var. Ona görə də hələ ciddi dəyişikliyə hazırlaşmıram.
