8 may 2013 13:57
“Mən Azərbaycan yığmasının məşqçisiyəm və artıq heç nə demək istəmirəm”
Artıq xeyli müddətdi ölkə mətbuatında yeni mövsümdən “Sumqayıt”ı İqor Ponomaryov və ya Nazim Süleymanovun çalışdıracağına dair xəbərlər yayılmaqdadı. Ponomaryov bir neçə gün öncə saytımıza açıqlamasında bu xəbərləri təkzib etmişdi.
Futbol üzrə Azərbaycan millisinin çalışdırıcısı Nazim Süleymanov da azerisport.az saytına açıqlamasında bunu şayiə adlandırıb: “Mən də mətbuatda oxumuşam ki, Ponomaryovla ikimizdən biri “Sumqayıt”ı çalışdıra bilər. Amma şəxsən mənə heç kim belə bir təkliflə müraciət etməyib. Ona görə bu xəbərlərə şərh verməyi də lazımsız hesab edirəm. Mən Azərbaycan yığmasının məşqçisiyəm və artıq heç nə demək istəmirəm”.
