9 may 2013 11:18
Mahir Şükürov: Neftçi hələ avrokubokları yox, qızıl dubl etməyi düşünür
“Neftçi”nin müdafiəçisi Mahir Şükürovun azerisport.az saytına müsahibəsi
- 30-cu turun yekunlarına görə “Neftçi” çempion ola blər. “İnter” – “Qarabağ” matçını diqqət mərkəzində saxlayacaqsız?
- Xeyr, biz bu oyun haqda düşünməyəcəyik. Çünki onlar bizdən tez oynayacaqlar. Yəni meydana çıxanda artıq nəticəni biləcəyik.
- Son üç oyunda qələbə qazanmaq “Neftçi” üçün nə dərəcədə prinsipialdı? Yoxsa sadəcə çempionluğu rəsmiləşdirməklə kifayətlənəcəksiz?
- Mövsümü uğurla başa vurmaq üçün bizə bu mövsümün son dörd oyununun hamısında yaxşı çıxış etmək lazımdı. Həm üç çempionat görüşündə, həm də kubokun finalında qələbə qazanmaq istəyirik. Hazırda isə bizim üçün ən vacib oyun “Simurq”la görüşdü. Bu oyuna da “Qarabağ”la görüşə hazırlaşdığımız kimi hazırlaşmışıq. Bi rəqibləri ayırmırıq.
- “Neftçi” artıq avrokuboklara vəsiqəni təmin edib. Komanda başa düşür ki, bu il azarkeşlər onlardan yenə ən azı Avroliqanın qrup mərhələsinə vəsiqə qazanmağı gözləyəcək?
- Bilirik ki, tələbat böyükdü. Biz özümüz də azarkeşləri yenidən sevindirməyi çox istəyirik. Amma bu haqda danışmaq hələ tezdi. Bizə indi çempionatı, kuboku qazanmaq haqda düşünmək lazımdı.
- Bilirik ki, tələbat böyükdü. Biz özümüz də azarkeşləri yenidən sevindirməyi çox istəyirik. Amma bu haqda danışmaq hələ tezdi. Bizə indi çempionatı, kuboku qazanmaq haqda düşünmək lazımdı.
- Ötən mövsüm qızıl dubl edə bilməmişdiniz. Bu il necə olacaq?
- Kubokun finalı tam ayrı oyundu. “Xəzər Lənkəran” “Neftçi” üçün prinsipial rəqibdi. Buna görə kuboku qazanmaq bizim üçün ikiqat vacibdi. Azarkeşlər nə dediyimi daha yaxşı başa düşərlər.
- Yığmamızı mayın sonunda Qətərlə yoldaşlıq oyunu və təlim-məşq toplanışı gözləyir. Həmin toplanışdan nə gözləyirsiz?
- Mən həmin toplanışda iştirak etməyəcəm. Çünki “Neftçi”nin həmin vaxt kubokda final matçı olacaq. Amma mənə elə gəlir ki, bu oyun Lüksemburqla qarşılaşmaya daha yaxşı hazırlaşmaq baxımından komandamıza lazımdı.
- Mən həmin toplanışda iştirak etməyəcəm. Çünki “Neftçi”nin həmin vaxt kubokda final matçı olacaq. Amma mənə elə gəlir ki, bu oyun Lüksemburqla qarşılaşmaya daha yaxşı hazırlaşmaq baxımından komandamıza lazımdı.
- Qətər güclüdü, yoxsa Lüksemburq?
- Qətər. Amma bizə daha çox Lüksemburqa qalib gəlmək lazımdı. Birincisi, bu, rəsmi oyundu. İkincisi, yalnız qələbə qazanacağımız halda futbolçularımız bu yay normal istirahət edə bilərlər.
