9 may 2013 15:37
Xəzər Lənkəran Olguinlə yollarını ayırır
“Xəzər Lənkəran” daha bir futbolçusu ilə yollarını ayırmağa hazırlaşır. Azerisport.az xəbər verir ki, cənub təmsilçisi Lusiano Olguini komandadan uzaqlaşdıra bilər.
Argentinalı futbolçu ilə bağlı hansısa rəsmi açıqlama verilməsə də, onun göndəriləcəyi artıq müəyyənləşib. Premyer Liqanın son turunda keçirilən “Turan”la oyunun 25-ci dəqiqəsində gənc futbolçu Ağabala Ramazanovla əvəzlənən Olguin meydançada olduğu müddətdə nəinki komanda yoldaşlarına kömək edə bilmir, hətta “zəif bənd” kimi aşkar seçilirdi. Məhz bu səbəbdən də Con Toşak onu meydandan almağa məcbur oldu. Qeyd edək ki, vaxtı ilə Belçika, Hollandiya, Yunanıstan və Çində legoner həyatı yaşayaraq uğurlu çıxışı ilə diqqət mərkəzində olan Lusiano Olguin 23-sentyabr 2011 tarixində oyun zamanı rəqib futbolçu ilə toqquşmada aldığı kəllə beyin travmasından sonra əvvəlki formasına qayıda bilmədiyinə görə keçmiş-yaxşı günlərinə həsrətdə qalıb. (12-ci oyunçu)
