9 may 2013 15:59
“Azarkeşlərə əvvəlki Bahodir Nasimovu xatırlatmağa çalışacağam”
“Əgər baş məşqçi şans versə, “Simurq”la oyuna start heyətində çıxmağa hazıram. Ağır zədə səbəbindən azarkeşlər bu mövsüm ötən ilki Bahodiri görmədilər. Zədəm artıq tam sağalıb. “Simurq”a qarşı start heyətində meydana çıxsam çalışacağam ki, onlara əvvəlki Nasimovu xatırladım”. Azerisport.az xəbər verir ki, bu sözləri “Neftçi”nin hücumçusu Bahodir Nasimov deyib.
Özbəkistanlı futbolçu Topaz Premyer Liqasının 30-cu turunun “Simurq”la oyunundan əvvəl fikirlərini klubun rəsmi saytına bölüşüb: “Nikolas Kanalesin nəyə qadir olduğu göz önündədir. Onun Premyer Liqada vurduğu 26 qol Kanalesin necə hücumçu olması ilə bağlı suala ən gözəl cavabdır. Lakin, Kanales cəzalı olduğu üçün “Simurq”a qarşı oynaya bilməyəcək. Onun yoxluğunda baş məşqçi mənə şans versə, üzərimə çətin məsuliyyət düşəcəyini anlayıram. Amma, ötən iki il ərzində Bahodir Nasimov “Neftçi”nin çempionluğu uğrunda nə etmişdisə, “Simurq”la oyunda da bunu təkrarlamaq üçün əlimdən gələni edəcəyəm. Ümid edirəm ki, azarkeşlərimizin də dəstəyi ilə “Neftçi” ardıcıl üçüncü çempionluğu qazanmaq üçün “Simurq” əngəlini də aşacaq”.
