9 may 2013 17:56
Qurbanovla Eyyubov Neftçiyə qarşı yenə oynaya bilməyəcək
Topaz Premyer Liqasının 30-cu turunda “Simurq” "Neftçi"nin qonağı olacaq. Azerisport.az xəbər verir ki, dünən qarşılaşmanın oynanılacağı "Bakcell Arena"da məşqə çıxan komanda hazırlıqları tamamlayıb.
Bir saatdan artıq davam edən çalışmalarda oyunöncəsi qısa ötürmələr və qapıya zərbələr yerinə yetirilib. Bundan sonra Zaqatala təmsilçisi istirahətə çəkilərək qarşılaşmanın başlama vaxtını gözləməyə başlayıb.
Cari ildə ikisi Azərbaycan Kuboku olmaqla 4 dəfə "Neftçi" ilə üz-üzə gələn “Simurq” bu oyunların heç birində nəinki qalib gələ, heç rəqib qapısından top belə keçirə bilməyib. Premyer Liqadakı 16-cı qarşılaşmada "Simurq"un heyətində İlkin Qırtımov sarı vərəqə limitini doldurduğundan, Nicat Qurbanovla Eyyub Əliyev isə icarə müqaviləsinin şərtlərinə görə bu matçda forma geyinə bilməyəcək.
