10 may 2013 18:55
Tahir Süleymanov: Anar Bəkirovun açıqlamalarına təəccübləndim
“Neftçi”nin vitse-prezidenti Tahir Süleymanov Topaz Premyer Liqasının 30-cu turunun “Simurq”la oyunundan (1:1) sonra qarşı tərəfin səsləndirdiyi narazılıqlarla bağlı fikirlərini açıqlayıb. Azerisport.az saytına müsahibəsində o, bunları dilə gətirib:
“Zaqatala klubunun prezidenti Anar Bəkirovun açıqlamalarından təəccübləndim. O, hesab edir ki, baş hakim Rauf Cabbarov bizim lehimizə qərarlar qəbul edib. “Simurq” yaxşı komandadı. Onlar layiqli olaraq ilk altılıqda yer alıblar. Amma yaxşı olardı ki, Bəkirov “İnter”ə 0:5 hesabıyla uduzduqları oyundan sonra da narazılığını dilə gətirərdi. Bizim də bu oyunda narazı qaldığımız epizodlar oldu. Məsələn, “Simurq”un futbolçusu Rəşad Sadiqovun ayağına zərbə endirəndə hakim heç oyunu saxlamadı. Raufun atası Gülağa Cabbarov bütün oyunlara hakim-inspektor təyin edir və onlar hakimliyi qiymətləndirirlər. 1:1 “Simurq” üçün çox yaxşı nəticədi. Fikrimcə, onların buna görə bəxti gətirdi. Yəni onlar bizi Bakıda məğlub etmək istəyirdilər? Biz çempionluğu yalnız o halda əldən verə bilərik ki, son iki oyunda uduzaq və “Qarabağ” ardıcıl qələbələr qazansın. Amma belə olmayacaq. Özü də biz oyunlarımızın əcnəbi hakimlər tərəfindən idarə olunmasını təklif etmişdik. O zaman Bəkirov bizim təklifi dəstəkləsə də, əksər klublar buna qarşı çıxdılar”.
“Zaqatala klubunun prezidenti Anar Bəkirovun açıqlamalarından təəccübləndim. O, hesab edir ki, baş hakim Rauf Cabbarov bizim lehimizə qərarlar qəbul edib. “Simurq” yaxşı komandadı. Onlar layiqli olaraq ilk altılıqda yer alıblar. Amma yaxşı olardı ki, Bəkirov “İnter”ə 0:5 hesabıyla uduzduqları oyundan sonra da narazılığını dilə gətirərdi. Bizim də bu oyunda narazı qaldığımız epizodlar oldu. Məsələn, “Simurq”un futbolçusu Rəşad Sadiqovun ayağına zərbə endirəndə hakim heç oyunu saxlamadı. Raufun atası Gülağa Cabbarov bütün oyunlara hakim-inspektor təyin edir və onlar hakimliyi qiymətləndirirlər. 1:1 “Simurq” üçün çox yaxşı nəticədi. Fikrimcə, onların buna görə bəxti gətirdi. Yəni onlar bizi Bakıda məğlub etmək istəyirdilər? Biz çempionluğu yalnız o halda əldən verə bilərik ki, son iki oyunda uduzaq və “Qarabağ” ardıcıl qələbələr qazansın. Amma belə olmayacaq. Özü də biz oyunlarımızın əcnəbi hakimlər tərəfindən idarə olunmasını təklif etmişdik. O zaman Bəkirov bizim təklifi dəstəkləsə də, əksər klublar buna qarşı çıxdılar”.
