10 may 2013 13:28
“Syominə Qəbələdə necə yaxşı futbolçuların olduğunu göstərmək bizim üçün çox vacib idi”
“Qəbələ”nin yarımmüdafiəçisi Rodriqes Assisin azerisport.az saytına müsahibəsi
- “Bakı” üzərində zəfər “Qəbələ”nin altılıq mərhələsində ilk qələbəsi oldu...
- Çox şadam ki, nəhayət qələbə qazana bildik. İlk altılıq bizim üçün çox ağır keçdi. Hər oyunda çalışırdıq, qələbə qazanmaq istəyirdik. Amma hər dəfə qələbə şansını necəsə əldən verirdik. Amma futbolda hərdən uğursuzluqlar da olur. Hərdən bəxtin gətirmir, hərdən qələbəyə layiq olmursan.
- Siz “Qəbələ”nin sükanı arxasına keçməsi gözlənilən Yuri Syominin bu oyunu izlədiyini bilirdiniz?
- Bəli, xəbərim vardı. Oyundan öncə kimsə demişdi. Əlbəttə, ona “Qəbələ”də nə dərəcədə yaxşı futbolçuların olduğunu göstərmək bizim üçün çox vacib idi. Baxmayaraq ki, komandamız çətin vəziyyətdədi. Çox şadam ki, komandamız bu oyunda təkcə baxımlı futbol sərgiləmədi, həm də qələbə qazandı.
- Bəli, xəbərim vardı. Oyundan öncə kimsə demişdi. Əlbəttə, ona “Qəbələ”də nə dərəcədə yaxşı futbolçuların olduğunu göstərmək bizim üçün çox vacib idi. Baxmayaraq ki, komandamız çətin vəziyyətdədi. Çox şadam ki, komandamız bu oyunda təkcə baxımlı futbol sərgiləmədi, həm də qələbə qazandı.
- Qələbə sizin vurduğunuz qol sayəsində əldə olundu...
- Təbii ki, bu, çox xoşdu. Şadam ki, qələbə qolunun müəllifi oldum. Amma qələbəmiz bütün komandanın əməyinin nəticəsidi.
- Syominin gəlişi komandanın iddialarını artıra bilər?
- Şübhəsiz. Hələ mövsümün startı ərəfəsində klub rəhbərliyi, prezident qarşımıza mükafatçılar sırasına düşmək hədəfini qoymuşdu. Amma alınmadı. Bu, futboldu, belə də olur. Bu mövsüm bizim üçün demək olar ki, başa çatıb. Növbəti mövsüm daha yaxşı nəticə qazanmağa çalışacağıq.
- Komandada qalacaqsız?
- Mənim hələ daha bir illik müqaviləm var. Fikrimcə, komandada mənə pis baxmırlar. Amma istənilən halda hər şeyə rəhbərliklə müzakirələrdən sonra aydınlıq gələcək. Hər şey ola bilər?
- Başqa klublardan təklif almamısız?
- Hazırda heç bir təklif yoxdu. Mən “Qəbələ”də olduğum üçün xoşbəxtəm. Hər şey xoşuma gəlir.
- Hazırda heç bir təklif yoxdu. Mən “Qəbələ”də olduğum üçün xoşbəxtəm. Hər şey xoşuma gəlir.
