11 may 2013 11:55
Xəzər Lənkəran Sumqayıtla oyuna ciddi itkilərlə hazırlaşır
“Turan” üzərində qələbədən sonra bir günlük istirahətini başa vuran “Xəzər Lənkəran” dünəndən məşqlərini bərpa edib. Azerisport.az xəbər verir ki, dünən gün ərzində yeganə məşqini Lənkərandakı bazasının ehtiyat meydançasında keçirən komanda bu gun səhər məşqindən sonra Bakıya yola düşüb.
Topaz Premyer Liqasının 31-ci turunda “Sumqayıt”ın qonağı olacaq “Xəzər Lənkəran” sabah oyunun keçiriləcəyi məkanda, “Bayıl Arena”da oyun öncəsi son məşqini edib, hazırlığını tamamlayacaq.
Hazırda komandada zədəlilərin çoxluğu məşqçilər korpusunu qayğılandıran əsas məqamdı. Belə ki, Kamran Abdullazadə, Elnur Abdullayev, Akif Tağıyev, Adrian Pit, Vanderson Skarduelli və Dimitrios Sialmas komanda ilə birgə hazırlıq keçə bilmir. Adıçəkilən futbolçular hələlik fərdi olaraq məşqlərini davam etdirirlər.
