12 may 2013 19:24
Arif İsayev və Rail Məlikov oynadı, Denizlispor qələbə qazandı (YENİLƏNİB)
Futbol üzrə Azərbaycan yığmasının yarımmüdafiəçisi Arif İsayevlə müdafiəçi Rail Məlikovun şərəfini qoruduğu Türkiyənin “Denizlispor” klubu bu gün növbəti matçına çıxıb. Azerisport.az xəbər verir ki, həmyerlilərimizin komandası PTT Birinci Liqanın 34-cü turu çərçivəsində “Bucaspor” ilə qarşılaşıb.
Oyun doğma meydanda keçirilirdi. Odu ki, həmyerlilərimizin komandası iddialı rəqibi üzərində qələbə qazanmağı hədəfləmişdi. Dənizli klubu bu çətin vəzifənin öhdəsindən gəlməyi bacarıb.
Bu görüşdə futbolçularımızın da iştirakı istisna deyildi. Baş məşqçi Özcan Bizati Raillə Arifi bu oyunda ilk dəqiqələrdən meydana buraxıb. Məlikov 90 dəqiqə meydanda olub. İsayev isə 63-cü dəqiqədə əvəzlənib.
Qeyd edək ki, Ariflə Railin komandası 34 oyuna 43 xalla 11-ci yerdə gedir. “Bucaspor” isə 52 xalla üçüncüdü.
PTT Türkiyə Birinci Liqası
33-cü tur
12 may
Denizlispor - Bucaspor - 2:0 (1:0)
Qollar: Bayram Fetai, 38; 66.
