11 may 2013 14:26
Simurq Georgi Çixradze ilə yeni müqavilə bağlamağa hazırlaşır
“Simurq” rəhbərliyi baş məşqçi Georgi Çixradze ilə yeni müqavilə bağlamağa hazırlaşır. Azerisport.az xəbər verir ki, gürcüstanlı mütəxxəssisin Zaqatala klubu ilə müqaviləsinin müddəti mövsümün sonunda başa çatır.
Lakin rəhbərlik komandanı cari mövsümdə dördüncü etməyə yaxın olan Çixradze ilə yollarını ayırmağa hazırlaşmır. Bu üzdən də mövsüm başa çatan kimi, “Simurq” rəhbərliyi baş məşqçisinə yeni müqavilə təklif edəcək.
Qeyd edək ki, Çixradze AFFA tərəfindən 10 oyunluq cəzaya layiq görülüb və qalsa, növbəti mövsümdə də xeyli oyunu tribunadan izləməli olacaq. Amma komandanı 31-ci turun “İnter”lə oyununa gürcü mütəxəssis hazırlaşdırır. Klubun mətbuat xidmətindən aldığımız məlumata görə, heyətdə heç bir itki yoxdu.
