13 may 2013 11:42
Topaz Premyer Liqasında 30-cu turun ən yaxşıları müəyyənləşdi
Topaz Premyer Liqasında 30-cu turun rəmzi komandası məlumdu. Azerisport.az xəbər verir ki, “Instat Football” şirkətinin Peşəkar Futbol Liqasına təqdim etdiyi analitik məlumatlara əsasən 29-cu turun rəmzi komandasını aşağıdakı futbolçular təşkil edib:
Qapıçı – Toni Doblas (Xəzər Lənkəran)
Müdafiəçilər – Tərlan Quliyev (Neftçi); Manuel Skarlatake (Xəzər Lənkəran); Denis Silva Kruz (Neftçi); Kamran Abdullazadə (Xəzər Lənkəran)
Yarımmüdafiəçilər – Lourival Assis (Qəbələ); Namiq Yusifov (Qarabağ); Julius Vobay (Neftçi); Bujamin Asani (Kəpəz)
Hücumçular – Vladislav Serebryakov (Kəpəz); Junior Nildo (AZAL)
Turun ən yaxşı oyunçusu “Xəzər Lənkəran”ın qapıçısı Toni Doblasdır.
Topa ən çox sahib olan, ən çox hücum təşkil edən, qapıya ən çox zərbə endirən və dəqiq ötürmə verən komanda “Neftçi”dir. Bu parametrlər üzrə ən zəif göstərici isə “Simurq”dadır.
“Rəvan” komandası ən çox qayda pozuntusuna yol verən komandadır.
“Neftçi”nin futbolçuları Flavio Aleks Valensio və Araz Abdullayev rəqib qapısına hamıdan çox – hərəyə 7 zərbə endiriblər. Ən çox dəqiq ötürmə verən isə “Neftçi”nin kapitanı Rəşad Sadiqovdur.
Hava mübarizələrində “Sumqayıt” klubunu futbolçusu Murat Doymuş hamıdan uğurlu olub.
“Neftçi”nin yarımmüdafiəçis Araz Abdullayev həm də ötən turun ən çox driblinq edən futbolçusudur.
