14 may 2013 01:35
Yığmamızın rəqibi Bakıya səfər öncəsi baş məşqçi məsələsinə aydınlıq gətirdi
Futbol üzrə Lüksemburq yığmasının baş məşqçisi Lyuk Holts Lüksemburq Futbol Federasiyası ilə yeni müqavilə imzalayıb. Azerisport.az xəbər verir ki, 2010-cu ilin avqust ayından bu komandanı çalışdıran gənc mütəxəssislə anlaşmanın müddəti başa çatmaq üzrəydi.
Amma tərəflər indidən müqavilənin müddətini artırmağa qərar veriblər. Holts AÇ-2016-nın seçmə mərhələsinin sonuna qədər Lüksemburq yığmasının sükanı arxasında çalışacaq.
Qeyd edək ki, Lüksemburq yığması DÇ-2014-ün seçmə mərhələsi çərçivəsində Azərbaycanla birgə F qrupunda yer alır. Bu komanda iyunun 7-də Bakıda millimizin qonağı olacaq.
