15 may 2013 18:28
İnter Qəbələ ilə oyuna iki itki ilə hazırlaşacaq
Dünən Premyer Liqanın 31-ci turu çərçivəsində “İnter” səfərdə “Simurq”la qarşılaşdı. Azerisport.az xəbər verir ki, gecə saatlarında Bakıya çatan komanda üzvləri bu gün istirahət ediblər.
Sabah komanda “Şəfa” stadionuna toplaşaraq mövsümün “Qəbələ” ilə son matçının hazırlıqlarına başlayacaq.
Qeyd edək ki, “Qəbələ” ilə görüşdə diskvalifikasiyaya görə Vladimir Levin və Samir Zərgərov meydançaya çıxa biləməyəcəklər. V.Levin qırmızı vərəqə aldığına görə, S.Zərgərov isə sarı vərəqə limitinə doldurduğuna görə son oyunu buraxmalı olacaqlar.
Əlavə edək ki, “İnter” - “Qəbələ” matçı mayın 19-da “Şəfa” stadionunda baş tutacaq.
