16 may 2013 18:26
Sumqayıt yeni meydançasında ilk məşqə çıxdı
Topaz Premyer Liqasının 31-ci turunda “Bayıl Arena”da "Xəzər Lənkəran" üzərində qələbə qazanan (1:0) "Sumqayıt" iki günlük istirahəti başa vurub. Azerisport.az xəbər verir ki, Sumqayıt komandası bu gün Bernhard Raabın rəhbərliyi altında yenicə açılmış Sumqayıt İdman Mərkəzində ilk məşqinə çıxıb.
Stadionu təmirdə olduğu üçün buna qədər hazırlıqları Bayılda keçirən "Sumqayıt"ın heyətində 2 zədəli futbolçu yer alır. Belə ki, əsas millimizin və U-19-un üzvləri - Pərdis Fərcad-Azadla Orxan Əliyev hələ də hazırlıq prosesində iştirak edə bilmir.
Qeyd edək ki, "Sumqayıt" sonuncu turda “Turan”ın “qonağ”ı olacaq. Oyun mayın 20-də "Dalğa Arena"da keçiriləcək və saat 18:00-da start götürəcək.
