18 may 2013 03:15
İspaniyanın Kralı Atletico oldu!
Futbol üzrə İspaniya Kubokunun cari mövsümünə yekun vurulub. Azerisport.az xəbər verir ki, ötən gecə Kral Kubokunun final görüşü keçirilib.
Həlledici qarşılaşmada iki Madrid klubu – “Real”la “Atletico” qarşılaşıb. Görüşdə hesabı “Real” açsa da, “Atletico” cavab qolunu vurmağı bacarıb. 90 dəqiqənin tamamında başqa qol vurulmadığına görə, əlavə yarım saat da oynanılıb. Məhz əlavə vaxtda daha bir qol vuran “Atletico” Kral Kubokuna sahib çıxıb.
Qeyd edək ki, bu, “Atletico”nun 10-cu belə uğuru olub. “Real” isə 18 dəfə qazandığı Kral Kubokunda 20-ci dəfə həlledici görüşü məğlub başa vurmağın üzüntüsünü yaşadı. “Atletico” isə tarixi ərzində 9 dəfə finalda məğlub olub.
İspaniya Kral Kuboku
Final
17 may
Real – Atletico – 1:2
Qollar: Ronaldo, 14 – D.Kosta, 35, Miranda, 99.
