17 may 2013 16:54
Yuri Syomin Qəbələyə nə vaxt “hə” deyəcək?
Xəbər verdiyimiz kimi, “Qəbələ” rəhbərliyi ilə rusiyalı mütəxəssis Yuri Syomin arasında mayın 20-də daha bir görüş keçirilməliydi. Lakin azerisport.az saytının məlumatına görə, böyük ehtimalla bu görüş baş tutmayacaq.
Klubun baş meneceri Zaur Əzizovdan aldığımız məlumata görə, tərəflər Syominin Qəbələyə səfəri zamanı mümkün anlaşmanın bütün detallarını müzakirə ediblər. Bu üzdən də hazırda “Qəbələ” rəhbərliyi rusiyalı mütəxəssisin yekun rəyini gözləyir.
Syomin “Qəbələ”yə rəhbərlik etməklə bağlı razılığını versə, onun ölkəmizə mayın sonunda gəlməsi gözlənilir. O, Qəbələdə təşkil olunacaq 15 yaşadək futbolçular arasındakı beynəlxalq turniri izləyəcək. Məhz elə həmin turnirin gedişi zamanı tərəflər imzalanma mərasimi keçirməyi planlaşdırırlar.
