19 may 2013 00:03
Rəvan Xəzər Lənkəranla oyun öncəsi Bakıda son məşqə çıxdı (FOTOLAR)
"Rəvan” Topaz Premyer Liqasının cari mövsümündə sonuncu matçını Lənkəranda keçirəcək. Azerisport.az xəbər verir ki, paytaxt komandası 32-ci turun oyunu üçün hazırlıqlarını davam etdirir.
Artıq futbolçular "Xəzər Lənkəran”la səfər matçı öncəsi Bakıda son məşqə də çıxıblar. "Bayıl Arena”da baş tutan səhər məşqində futbolçular isinmə hərəkətlərindən sonra fiziki hazırlıq üzərində çalışın. Məşqin əsas hissəsi isə taktiki-texniki hazırlığa və toplu çalışmalara həsr edildi. Dar sahədə ani ötürmələr, pressinq altında topu özündə saxlama və qapıya zərbələr üzərində çalışdıqdan sonra futbolçular yarı meydanda ikitərəfli oyunda qüvvələrini sınayıblar.
Qeyd edək ki, komanda sabah səhər oyunun keçiriləcəyi məkana - Lənkərana yola düşəcək. Səfər zamanı cəzalı durumda olan Nikolay Orlovski ilə Şəhriyar Rəhimov, o cümlədən zədə üzündən mövsümü erkən qapayan Tural Axundov komanda ilə birgə olmayacaq. Onların əvəzində əvəzedicilərdən Anar Həsənov, Cəmil Rəhimli və Əli Əliyev əsas komandaya cəlb olunub.
