19 may 2013 21:55
Qurban Qurbanov: Növbəti 15 gündə transferlərlə məşğul olacağıq
“Qarabağ”ın baş məşqçisi Qurban Qurbanov Topaz Premyer Liqasının 32-ci turunun “Simurq”la oyununu şərh edib. Azerisport.az xəbər verir ki, Ağdam təmsilçisinin çalışdırıcısı 0:0 hesabıyla başa çatan görüşdən sonra bunları dilə gətirib:
“Mövsümün bitməsi münasibəti ilə hamını təbrik edirəm. Gərgin və maraqlı mövsüm oldu, maraqlı oyunlar izlədik. Son matç olduğu üçün futbolçuların fikirləri oyunda deyildi. Buna baxmayaraq, komandanı bu oyuna hazırlaya bildik. Əsas odur ki, futbolçularda zədə olmadı. Qalib gəlmək istəyirdik, oyun üslubumuzdan əl çəkmədik. Oyunda qol imkanları bol olmasa da, hər iki komandanın düşünülmüş hücumlar var idi. Fikrimcə, bərabərlik ədalətli nəticədir. Oyunumuzda çatışmazlıqlar olub, var, olacaq. Bu, futboldur. Növbəti 15 gündə transferlərlə məşğul olacağıq. KİV nümayəndələrinə də təşəkkürümü bildirirəm, bizimlə mövsüm boyu birgə olduqları üçün. Yaxşı cəhətlərimizi də, pis cəhətlərimizi də yazdılar”.
