20 may 2013 01:34
Sadıq Sadıqov: Neftçinin çempion olacağına inanmırdım
“Neftçi”nin prezidenti Sadıq Sadıqovun azerisport.az saytına müsahibəsi
- Ardıcıl üç ildi çempion olursuz. Bunlardan hansı daha çətin oldu?
- Bu dəfə qazandığımız çempionluq daha çətin oldu. Ölkədə futbol inkişaf edir, çempionat daha maraqlı və çətin keçməyə başlayıb. İlk altılığın bütün klubları çempion kimi oynayırlar. Nəzərə alsaq ki, biz elə də geniş olmayan heyətlə avrokuboklarda da uzun yol keçdik, oyunlarımızın sayı daha artıq oldu, onda sualınızın cavabı məlum olar. Mən heç inanmırdım ki, biz çempion ola bilərik. Amma uşaqlar sonda istəklərinə çata bildilər.
- Bəzi futbolçularla müqavilələrin müddəti bu ayın sonunda başa çatır. Rəhbərliyin onlarla bağlı qərarı necə olacaq?
- Qalib heyəti dəyişməzlər. Azərbaycan Kubokunun final oyunundan sonra biz futbolçularla görüşəcəyik və yeni müqavilə bağlamağa çalışacağıq. Biz saxlamaq, onlar da komandada qalmaq istəyirlər.
- Ötən mövsüm kubokun finalında “Bakı”ya uduzaraq, qızıl dubl edə bilmədiniz. Bəs bu mövsüm nə gözləyirsiz?
- Biz ötən mövsüm buraxdığımız səhvi bu il təkrarlamaq istəmirik. Hər bir klubun arzusudu ki, komandası qızıl dubl etsin.
- Final oyununa görə xüsusi mükafat ayrılacaq? Axı həlledici görüşdə prinsipial rəqiblə - “Xəzər Lənkəran”la qarşılaşacaqsız...
- Biz ötən mövsüm buraxdığımız səhvi bu il təkrarlamaq istəmirik. Hər bir klubun arzusudu ki, komandası qızıl dubl etsin.
- Final oyununa görə xüsusi mükafat ayrılacaq? Axı həlledici görüşdə prinsipial rəqiblə - “Xəzər Lənkəran”la qarşılaşacaqsız...
- Xüsusi mükafat olmayacaq. Mövsümün əvvəlindən təyin olunan mükafat var. “Xəzər Lənkəran” güclü rəqibdi. Bizi heç də asan oyun gözləmir. Bu komanda ikinci altılıqda çıxış etsə də, rəqibə yuxarıdan aşağı baxmaq olmaz. Məhz bu üzdən bəzi futbolçularımıza bu gün istirahət vermişdik və “Bakı”ya qarşı oynamırdılar.
- Avrokuboklardan nə gözləyirsiz?
- Mövsümə Çempionlar Liqasından başlayacağıq. Çalışacağıq ki, ÇL-in qrup mərhələsinə vəsiqə qazanaq. Tarix yazmağa davam etmək istəyirik. Heyəti gücləndirmək üçün də vaxtımız olacaq. Əgər ÇL-in qrup mərhələsində oynamaq istəyiriksə, dörd yaxşı futbolçu almaq lazımdı.
- Mövsümə Çempionlar Liqasından başlayacağıq. Çalışacağıq ki, ÇL-in qrup mərhələsinə vəsiqə qazanaq. Tarix yazmağa davam etmək istəyirik. Heyəti gücləndirmək üçün də vaxtımız olacaq. Əgər ÇL-in qrup mərhələsində oynamaq istəyiriksə, dörd yaxşı futbolçu almaq lazımdı.
- Artıq kimi alacağınızı müəyyənləşdirmisiz?
- Namizədlərimiz var. Bu yöndə işləri davam etdiririk. Amma bu, o demək deyil ki, komandada olanları əvəzləyəcəyik. Bu komanda çempion olub və onu pozmaq olmaz. Əlbəttə, kimsə getmək istəsə, onu zorla saxlamaq fikrimiz də yoxdu.
- Namizədlərimiz var. Bu yöndə işləri davam etdiririk. Amma bu, o demək deyil ki, komandada olanları əvəzləyəcəyik. Bu komanda çempion olub və onu pozmaq olmaz. Əlbəttə, kimsə getmək istəsə, onu zorla saxlamaq fikrimiz də yoxdu.
