“Bu problem mövsüm boyu oyunlarımızda özünü göstərdi”

“Sumqayıt”ın baş məşqçisi Bernard Raab Topaz Premyer Liqasının 32-ci turunun “Turan” ilə oyununu şərh edib. Azerisport.az xəbər verir ki, almaniyalı mütəxəssis 1:2 hesabıyla başa çatan görüşdən sonra bunları dilə gətirib:

 

“İlk hissədə futbol adına heç nə ilə yadda qalmadıq. Erkən qol buraxdıq, az sonra 0:2 hesabı ilə geri düşdük. İlk hissə xəcalətverici idi. İkinci hissəni isə qənaətbəxş hesab edirəm. Təəssüf ki, cəmi bir qol vura bildik, məğlub olduq. Buna səbəb isə oyunda topa nəzarət etsək  də, son ötürmələrdə qeyri-dəqiq olmağımızdır. Bu problem mövsüm boyu oyunlarımızda özünü göstərdi”.