20 may 2013 21:25
“Mənim üçün çox vacib oyun idi”
AZAL-ın baş məşqçisi Vaqif Sadıqov Topaz Premyer Liqasının 32-ci turunun “Kəpəz”lə oyununu şərh edib. Azerisport.az xəbər verir ki, “təyyarəçilər”in çalışdırıcısı 4:0 hesabıyla başa çatan görüşdən sonra bunları dilə gətirib:
“Mənim üçün çox vacib oyun idi. Çempionatın son oyunu olmasına və “Kəpəz”in elitanı tərk etməsinə baxmayaraq, futbolçularımdan sona kimi mübarizə aparmağı xahiş etmişdim. Çox vaxt deyirlər ki, “ikinci altılıq”da komandalar həvəssiz oynayırlar. Lakin son oyuna kimi komanda ruhunu saxladıq, mübarizə apardıq. Mahmud Qurbanovun komandasında bir az təcrübə çatmır, yaxşı komandadır. O, öz bacarığını komandaya aşılamağa çalışır. Komandaya gələcəkdə uğurlar arzulayıram”.
