20 may 2013 14:15
Neftçinin səkkiz futbolçusu Azərbaycan futbolunun tarixinə düşdü
Ötən gün “Neftçi” növbəti Azərbaycan çempionluğunu bayram etdi. Azerisport.az xəbər verir ki, bu, paytaxt klubunun ardıcıl üçüncü çempionluğu oldu ki, belə bir uğura hələ heç bir klubumuz imza atmamışdı.
Bu tarixi uğura imza atan futbolçulardan səkkizi isə xüsusi olaraq Azərbaycan futbolunun tarixinə düşdü. Belə ki, həmin oyunçular da ardıcıl üç dəfə çempionluq sevinci yaşamış oldular. Özü də bunu bir klubda çıxış etməklə gerçəkləşdilər.
Həmin tarixi uğura imza atan oyunçular bunlardı: Cavid İmamverdiyev, Mirhüseyn Seyidov, Araz Abdullayev, Tərlan Quliyev, Bahodir Nasimov, İqor Mitreski, Denis Silva, Flavinyo.
