21 may 2013 14:09
Çempionun baş məşqçisi alqışlarla təbrik olundu
Bu gün futbol üzrə Azərbaycan Birinci Divizionunun qalibi “Ağsu” klubunun mükafatlandırılması mərasimi keçirilib. Azerisport.az xəbər verir ki, mərasimdə iştirak edən Peşəkar Futbol Liqasının prezidenti Ramin Musayev çempion komandanın üzvlərinə medalları və kuboku təqdim edib.
Mərasimin keçirildiyi zalda təxminən 300 nəfərə yaxın insan iştirak edib. Onlar “Ağsu”nun baş məşqçisi Rüfət Quliyevə qızıl medal təqdim olunarkən, gənc mütəxəssisi sürəkli alqışlarla qarsalayıblar.
Qeyd edək ki, Azərbaycan yığmasının sabiq yarımmüdafiəçisi “Ağsu”ya 2012-ci ildən rəhbərlik edir. Quliyeb bu komandanı Birinci Divizionda çıxış etdiyi ilk mövsümündəcə çempion etməyi bacardı.
