23 may 2013 16:15
“İnşallah belə sevinc bütün futbolçularımıza qismət olar”
Topaz Premyer Liqasında aprel ayında vurulmuş ən gözəl qolun müəyyənləşdiyini xəbər vermişdik. Azerisport.az xəbər verir ki, Peşəkar Futbol Liqasının rəsmi saytı vasitəsilə keçirdiyi sorğunun nəticələrinə əsasən "Rəvan”ın futbolçusu Tofiq Mikayılovun "Kəpəz”lə oyunda vurduğu qol ayın ən yaxşısı seçilmişdi.
Respondentlərin 43 faizinin səsini qazanan Tofiq bu məsələ ilə əlaqədar klubun rəsmi saytına danışıb: "Sağ olsunlar səs verənlər. Məhz onların sayəsində qalib oldum. Düzdü, qolum da baxımlı alınmışdı. Amma yekun nəticəni məhz toplanılan səs faizi müəyyənləşdirdi. İnşallah belə sevinc bütün futbolçularımıza qismət olar. Əslində futbolda əsas qol vurmaqdır. Çünki qolun pisi, yaxşısı olmur. Sadəcə, baxımlı olanda adama daha çox ləzzət edir. Həm də yaddaşlarda uzun müddət qalır. Qardaşımın təzə 2 əkiz uşağı olub, bu qolu və qələbəni məhz onlara həsr edirəm. İnşallah, may ayında da Ramazan Abbasov qalib olar. Bundan sonra komandanın bütün üzvləri ilə birlikdə bunu yaxşıca qeyd edərik”.
