24 may 2013 11:39
Türkiyə Super Kuboku uğrunda oyun Bakıda keçirilə bilər
Futbol üzrə Türkiyə Super Kuboku uğrunda oyun Bakıda keçirilə bilər. Azerisport.az xəbər verir ki, bu iddia elə qardaş ölkənin “Fanatik” qəzeti çıxış edib.
Məlumatda bildirilir ki, ölkə çempionu “Galatasaray”la kubokun sahibi “Fenerbahçe” arasında baş tutacaq Super Kubok matçının Azərbaycanın paytaxtında keçirilməsi məsələsi yenidən gündəmə gəlib.
Türkiyə Futbol Federasiyası oyunu avqustun 11-də keçirmək istəyir. Məsələ ilə əlaqədar TFF hər iki klubun nümayəndələrinin qatılacağı toplantı keçirəcək. Əgər razılıq olarsa, “Galatasaray”la “Fenerbahçe” arasındakı kubok qarşılaşması Bakıda olacaq.
Qeyd edək ki, Türkiyə Super Kuboku uğrundakı oyunun Bakıda keçirilməsi məsələsi ötən mövsüm də gündəmə gəlmişdi. Lakin o vaxt tərəflər bu məsələdə razılığa gələ bilməmişdilər.
