25 may 2013 00:53
Nikolas Kanalesə daha sərfəli müqavilə təklif edildi
Azərbaycan çempionu “Neftçi” çilili hücumçusu Nikolas Kanalesə yeni müqavilə təklif edib. Azerisport.az xəbər verir ki, paytaxt klubu son mövsümdə komandanın bombardiri olmuş futbolçuyla 2 illik anlaşma imzalamağa hazırlaşır.
“Neftçi” öz performansıyla dəyərini artıran Kanalesə bu dəfə daha sərfəli şərtlər irəli sürməli olub. Lakin Nikolas hələlik qəti qərarını verməyə tələsmir. O, “Neftçi”dəki karyerası ilə bağlı yekun qərarını Azərbaycan Kubokunun final matçından sonra verəcəyini bildirib.
Qeyd edək ki, “Neftçi” mayın 28-də baş tutacaq kubokun final matçında “Xəzər Lənkəran”la qarşılaşacaq.
