24 may 2013 16:22
Eddi İsrafilov: Azərbaycan yığmasında oynamaq mənim üçün xoşdu, amma Murcianı tərk edə bilmərəm
İspaniyanın “Murcia” klubunun yarımmüdafiəçisi Eddi İsrafilov Azərbaycan yığmasına qatılmaqdan imtina edib. Azerisport.az xəbər verir ki, gənc xavbek İspaniya mətbuatına açıqlamasında bunun səbəbini belə izah edib:
“Mən anamın vətəni olan bir ölkənin yığmasında çıxış etməkdən şad olaram. Ona öz borcumu ödəmək istəyirəm. Amma hazırda mənim üçün daha vacib olan “Murcia”dı. Baş məşqçi mənə indiki situasiyada ehtiyac duyur (qeyd edək ki, “Murcia” Sequndanı tərk etməyə çox yaxındı. Komanda sona üç tur qalmış 22 klub arasında 20-ci yerdə qərarlaşıb). Həm özüm, həm də klub rəsmiləri AFFA ilə əlaqə saxlayıb bildirdik ki, mən sərbəstəm. Amma belə bir vaxta klubuma köməyim çox lazımdı”.
“Mən anamın vətəni olan bir ölkənin yığmasında çıxış etməkdən şad olaram. Ona öz borcumu ödəmək istəyirəm. Amma hazırda mənim üçün daha vacib olan “Murcia”dı. Baş məşqçi mənə indiki situasiyada ehtiyac duyur (qeyd edək ki, “Murcia” Sequndanı tərk etməyə çox yaxındı. Komanda sona üç tur qalmış 22 klub arasında 20-ci yerdə qərarlaşıb). Həm özüm, həm də klub rəsmiləri AFFA ilə əlaqə saxlayıb bildirdik ki, mən sərbəstəm. Amma belə bir vaxta klubuma köməyim çox lazımdı”.
Lakin Eddi bəyan edib ki, Azərbaycan yığmasında böyük məmnuniyyətlə çıxış edəcək: “Azərbaycanda olmuşam. O vaxt üç yaşım var idi. Sonradan İspaniyaya qayıtdıq. Mən bu ölkəni tanıyıram və onun yığmasında çıxış etmək mənim üçün xoş olacaq. Azərbaycandan iki həftə öncə mənimlə əlaqə saxladılar. Yığma komandada oynamaq təklifi etdilər. Mən də buna etiraz etmədim. Sadəcə, indi klubda qalmaq çox vacibdi”.
Qeyd edək ki, Eddinin atası toqolu, anası isə azərbaycanlıdı. Amma o, eyni zamanda İspaniya vətəndaşlığına da malikdi. Azərbaycan millisində çıxış edəcəyi halda İspaniya yığmasında oynaya bilməyəcəyinə dair sualın cavabında o, bunları söyləyib: “Mən heç vaxt İspaniyanın yığmalarından hansınasa dəvət almamışam”.
O, həmçinin Sequndada qalıb-qalmamasından asılı olmayaraq, indiki klubunu tərk etməyəcəyini bəyan edib: “Hələ “Murcia”nı tərk etməyin zamanı deyil”.
O, həmçinin Sequndada qalıb-qalmamasından asılı olmayaraq, indiki klubunu tərk etməyəcəyini bəyan edib: “Hələ “Murcia”nı tərk etməyin zamanı deyil”.
