26 may 2013 00:58
Foqts Nazim Süleymanova finalı izləmək göstərişi verdi
Futbol üzrə Azərbaycan yığmasının baş məşqçisi Berti Foqts Azərbaycan kubokunun "Neftçi" və "Xəzər Lənkəran" komandaları arasında keçiriləcək final oyunu ilə əlaqədar göstəriş verib. Azerisport.az xəbər verir ki, bu oyunu məhz almaniyalı mütəxəssisin tapşırığı əsasında Azərbaycanın milli komandasının məşqçisi Nazim Süleymanov izləyəcək.
Qeyd edək ki, "Neftçi" və "Xəzər Lənkəran" komandaları arasındakı final oyunu mayın 28-də Tofiq Bəhramov adına Respublika stadionunda keçiriləcək. Bu görüşdə hər iki komandanın heyətində bəzi yığma üzvləri çıxış edəcək ki, Süleymanov da onlar barədə məlumatları Foqtsa çatdırmalıdı. Bu oyunla əlaqədar Süleymanov da həmin futbolçularla birgə Qətər səfərinə komanda ilə birgə yollana bilməyib.
