27 may 2013 15:03
Qarabağ Branimir Subaşiçə əvəzləyici tapdı
“Qarabağ”ın hücumçusu Branimir Subaşiçin taleyi hələ də sual altındadı. Azerisport.az xəbər verir ki, Ağdam klubunun milliləşmiş serb hücumçusu ilə müqaviləsinin müddəti başa çatmaq üzrədi.
Lakin tərəflər yeni anlaşma ilə bağlı razılığa gəlməyiblər. Daha dəqiqi, “Qarabağ” Subaşiçə layiqli əvəzləyici axtarır.
Artıq bir namizəd var. Hələlik adı açıqlanmayan bu futbolçunun son mövsümdə klubu ilə Çempionlar Liqasında iştirak etdiyi bildirilir. Əgər danışıqlar müsbət yekunlaşsa, böyük ehtimalla “Qarabağ” hücum xəttinə yeni futbolçu alacaq.
Belə olan halda Subaşiçin Ağdam klubundan ayrılması istisna deyil. Əks halda o, komandada qala bilər.
